როგორ იქცა ეთნო-წისქვილი რესტორან-მუზეუმად?
რთული წარმოსადგენია არ იცნობდეთ „ეთნო-წისქვილს“, თუ ქართული ტრადიციული სამზარეულოსა და, ზოგადად, ქართული კულტურის მოყვარული ხართ. ეს არის რესტორანი, რომელიც სტუმრებს არა მხოლოდ ავთენტურ ქართულ კერძებს სთავაზობს, არამედ კულტურულ მრავალფეროვნებას, ადგილობრივ ფოლკლორსა და ქორეოგრაფიას აცნობს. სწორედ ამიტომ უწოდეს „ეთნო-წისქვილს“ რესტორანი-მუზეუმი და სწორედ ამიტომ იზიდავს ის იმ უცხოელ სტუმრებს, რომელთაც ნამდვილი საქართველოს გაცნობა სურთ.
ცოტამ თუ იცის, რომ „ეთნო-წისქვილს“ ხანგრძლივი, თანაც განვითარების ძალიან საინტერესო ისტორია აქვს. ყველაფერი 2002 წელს დაიწყო, დღეს სხვადასხვა ობიექტებით დატვირთული ეს ქუჩა, იმ დროს არც ინფრასტრუქტურულად იყო გამართული და არც ნორმალური საავტომობილო გზით გამოირჩეოდა. „წისქვილის“ დამფუძნებლებს ინსპირაცია აქ არსებულმა ბუნებრივმა ჩანჩქერმა და უძველესმა წყლის წისქვილმა მისცა, რომელიც რესტორანში დღემდე უცვლელადაა შენარჩუნებული და ფუნქციონირებს.
„იმ დროს, როდესაც „ეთნო წისქვილის“ მშენებლობას ვგეგმავდით, ორი თვით რომში წავედი საცხოვრებლად, სადაც უძველესი ნანგრევებისა და მუზეუმების გარემოცვაში აღმოვჩნდი. „ეთნო წისქვილის“ არქიტექტურის ინსპირაციაც სწორედ იქ გამიჩნდა. მინდოდა, ხელუხლებლად შემენარჩუნებინა რელიეფი და აქ მოსული სტუმრებისთვის შემექმნა განცდა, თითქოს უძველეს ციხესიმაგრეში მოხვდნენ. ძველი და თანამედროვე დეტალების სინთეზის შედაგად მივიღეთ სრულიად ახალი ხასიათისა და არქიტექტურის ობიექტი. მისი მიბაძვით დღეს, შესაძლოა, სხვაგანაც გადააწყდეთ მსგავს სივრცეებს. მე ამ პროცესს ხუმრობით „წისქვილიზაცია“ ვუწოდე“, – ამბობს „წისქვილი ჯგუფის“ ერთ-ერთი დამფუძნებელი და რესტორნის მთავარი არქიტექტორი, მამუკა ჩხაიძე.
გამორჩეული არქიტექტურის გარდა, „ეთნო-წისქვილმა“ თავიდანვე გაითქვა სახელი უგემრიელესი ავთენტური კერძებითა და მომსახურებით. მისი სამზარეულო დღემდე სტაბილურად ინარჩუნებს უმაღლეს ხარისხს და სტუმრებს გამორჩეული ქართული გემოებით ანებივრებს. ამჟამად „წისქვილის“ მენიუზე მისი ბრენდ შეფი ალექს ნათაძე ზრუნავს, რომელიც Gault&Millau Georgia-ს მიერ, 2023 წელ, „წლის აღმოჩენად“ არის დასახელებული.
თუკი „ეთნო-წისქვილს“ ესტუმრებით, გემრიელი კერძების დაგემოვნების გარდა, არაჩვეულებრივი სანახაობის მომსწრეც გახდებით. აქ სტუმრებისთვის ყოველდღე ეწყობა მუსიკალური და ქორეოგრაფიული დღესასწაული, რა დროსაც ცოცხლდება ქართული ცეკვა-სიმღერის ავთენტური ნიმუშები. „ეთნო წისქვილში“ უძველესი სამუზეუმო ექსპონატების დათვალიერებაც შეგეძლებათ, რომლებიც მის სხვადასხვა კონცეფციის დარბაზებშია გამოფენილი.
„წისქვილი“ არ არის მხოლოდ კვების ობიექტი, მისი გარემო ვიზიტორებს აძლევს ემოციას, რომელიც მათ თან დიდხანს მიჰყვებათ. უცხოელებისთვის კი ჩვენთან სტუმრობა არის ქართული კულინარიის, კულტურის, ფოლკლორისა და არქიტექტურის გაცნობის საუკეთესო საშუალება“, – ამბობს „წისქვილი ჯგუფის“ გენერალური დირექტორი, გიორგი შველიძე.
იმას, რომ „ეთნო-წისქვილი“ სარესტორნო საქმიანობაში უპირობო ლიდერია, უამრავი ადგილობრივი და საერთაშორისო ჯილდოც მოწმობს, რომლებიც „ეთნო-წისქვილმა“ სხვადასხვა დროს საუკეთესო არქიტექტურისთვის, ინოვაციებისთვის, კერძებისა თუ მომსახურებისთვის მიიღო.
„ეთნო-წისქვილს“ დროთა განმავლობაში სხვა სივრცეები – ლუდის მოედანი, სანადიმო, ღვინის ეზოც მიემატა. ასე რომ, როდესაც ბელიაშვილის ქუჩაზე არსებულ „წისქვილს“ ესტუმრებით, არ გაგიკვირდეთ, თუკი ერთგვარ მინი ქალაქში აღმოჩნდებით, ქალაქში, სადაც საუკეთესო კერძებთან ერთად, ქართულ კულტურასაც გაეცნობით.
სხვა სიახლეები
ცხელი მეგრული კუჭმაჭი ბროწეულით და ცივი გოჭის კუჭმაჭი ნიგვზით – როგორ მზადდება ეს კერძი და რომელი ღვინო შეუხამოთ „წისქვილში“.
ცოცხალი მუსიკა, ქართული მრავალხმიანობა და ეროვნული ცეკვები ბუნებრივი ჩანჩქერის ფონზე – რას მოიცავს „ეთნო წისქვილის“ შოუ-პროგრამა და როგორ დავგეგმოთ საღამო.
ტურიზმის ეროვნულ დაჯილდოებაზე „Chef of the Year“ კატეგორიაში „წისქვილი ჯგუფის“ ბრენდ შეფმა, ალექს ნათაძემ გაიმარჯვა.
23 და 24 ოქტომბერს, წისქვილში, ლუდის მოედანზე ლუდის დღეები გაიმართა. მოსულ სტუმრებს ვუმასპინძლეთ უგემრიელესი კერძებითა და ევროპული პრემიუმ ლუდით, ნახევარ ფასად.
3 და 4 ოქტომბერს „წისქვილის“ ეზოში ნამდვილი თბილისური ჟრიამული მოეწყო. ორი დღის განმავლობაში სტუმრებს ვუმასპინძლეთ ქართული ცეკვითა და ფოლკლორით, გემრიელი დეგუსტაციებითა და მრავალფეროვანი აქტივობებით როგორც დიდებისთვის, ისე პატარებისთვის.
2026 წლის 3 და 4 ოქტომბერს რესტორნების ქსელი „წისქვილი“ თბილისობას სპეციალური პროგრამით აღნიშნავს.





