„ქართული კუთხეების ფესტივალის“ ფარგლებში „წისქვილი ჯგუფი“ აჭარას მასპინძლობს
„ქართული კუთხეების ფესტივალი“ კიდევ ერთ გამორჩეულ რეგიონს, აჭარას უმასპინძლებს. აჭარის წარმომადგენლები სტუმრებს თავიანთ კულტურასა და სამზარეულოს წისქვილის ეზოში, 29 და 30 ივლისს წარუდგენენ.
აჭარის დღეებზე დამსწრე საზოგადოებას შესაძლებლობა ექნება ისიამოვნოს ანსამბლებ „ელესასა“ და „ბეთლემის“ შესრულებით. ისინი სპეციალურად ფესტივალისთვის ქედადან ჩამოვლენ. ავთენტური აჭარული ფოლკლორული და ქორეოგრაფიული ნიმუშების გაცნობის პარალელურად, სტუმრები დააგემოვნებენ მაღალმთიანი აჭარიდან ჩამოტანილ კერძებს და შეფ-მზარეულებთან ერთად ისწავლიან მათ მომზადებასაც.
ამასთან ერთად, წისქვილის ეზოში მოწყობილ გამოფენა-გაყიდვაზე დამსწრე საზოგადოება შეძლებს დაათვალიეროს და შეიძინოს აჭარლების მიერ შექმნილი ხელნაკეთი ნივთები და ადგილობრივი კომპანიების მიერ წარმოებულ ქართული პროდუქტები. ტრადიციულად, მრავალფეროვანი გასართობი და აქტივობა დახვდებათ პატარებსაც, მათთვის მოწყობილ საბავშვო სივრცეში.
აღსანიშნავია, რომ „ქართული კუთხეების ფესტივალი“ აჭარის დღეებით დასრულდება და სტუმრებს დროებით, მომავალ გაზაფხულამდე დაემშვიდობება. ფესტივალი, რომლის მიზანიც საქართველოს სხვადასხვა რეგიონის კულტურისა და სამზარეულოს პოპულარიზაციაა, „წისქვილი ჯგუფის“ ინიციატივით წელს პირველად ჩატარდა. ის 20 მაისს დაიწყო და ამ დროის განმავლობაში უმასპინძლა იმერეთს, სვანეთს, კახეთს, სამეგრელოს, რაჭასა და გურიას.
ღონისძიებაზე დასწრება თავისუფალია. მეტი დეტალის სანახავად ესტუმრეთ „წისქვილის“ ფეისბუქ გვერდს.
ინფორმაციას „წისქვილი ჯგუფი“ ავრცელებს.
სხვა სიახლეები
ცხელი მეგრული კუჭმაჭი ბროწეულით და ცივი გოჭის კუჭმაჭი ნიგვზით – როგორ მზადდება ეს კერძი და რომელი ღვინო შეუხამოთ „წისქვილში“.
ცოცხალი მუსიკა, ქართული მრავალხმიანობა და ეროვნული ცეკვები ბუნებრივი ჩანჩქერის ფონზე – რას მოიცავს „ეთნო წისქვილის“ შოუ-პროგრამა და როგორ დავგეგმოთ საღამო.
ტურიზმის ეროვნულ დაჯილდოებაზე „Chef of the Year“ კატეგორიაში „წისქვილი ჯგუფის“ ბრენდ შეფმა, ალექს ნათაძემ გაიმარჯვა.
23 და 24 ოქტომბერს, წისქვილში, ლუდის მოედანზე ლუდის დღეები გაიმართა. მოსულ სტუმრებს ვუმასპინძლეთ უგემრიელესი კერძებითა და ევროპული პრემიუმ ლუდით, ნახევარ ფასად.
3 და 4 ოქტომბერს „წისქვილის“ ეზოში ნამდვილი თბილისური ჟრიამული მოეწყო. ორი დღის განმავლობაში სტუმრებს ვუმასპინძლეთ ქართული ცეკვითა და ფოლკლორით, გემრიელი დეგუსტაციებითა და მრავალფეროვანი აქტივობებით როგორც დიდებისთვის, ისე პატარებისთვის.
2026 წლის 3 და 4 ოქტომბერს რესტორნების ქსელი „წისქვილი“ თბილისობას სპეციალური პროგრამით აღნიშნავს.





