კამპანიას „გახდი საიდუმლო სანტა“ „წისქვილი ჯგუფი“ უერთდება
„წისქვილი ჯგუფი“ უერთდება ბაქსვუდის მოხალისეთა კლუბის პროექტს „გახდი საიდუმლო სანტა“, რომელიც სოციალურად დაუცველი ბავშვებისთვის სურვილების ასრულებასა და მათთვის ახალი წლის სიხარულითა და ბედნიერებით ავსებას ემსახურება.
„წისქვილი ჯგუფის“ ინფორმაციით, „გახდი საიდუმლო სანტას“ დასკვნითი ღონისძიება 27 დეკემბერს ექსპო ჯორჯიაში გაიმართება, რომელშიც „წისქვილი ჯგუფიც“ ჩაერთვება და პატარებს დღესასწაულს მოუწყობს.
„ჩვენი გუნდი იზრუნებს, რომ ამ საღამოს რაც შეიძლება მეტი ბავშვი გაახაროს. ამისთვის „წისქვილი ჯგუფის“ ბრენდ შეფი, ალექს ნათაძე მათ გემრიელი კერძებითა და ნუგბარით თავად გაუმასპინძლდება. ამ პროექტში მონაწილეობა ჩვენთვის დიდი სიამოვნებაა. ასევე, გვინდა, ყველას მოვუწოდოთ ჩართულობისკენ, რათა ერთად ვუქციოთ პატარებს ახალი წელი დაუვიწყარ დღესასწაულად“, - ამბობს „წისქვილი ჯგუფის“ მარკეტინგის ხელმძღვანელი, ანანო თავხელიძე.
ექსპო ჯორჯიაში გამართულ ღონისძიებაზე ბავშვებისთვის სხვა ბევრი გასართობი და შემეცნებითი აქტივობა ჩატარდება, საღამოს ბოლოს კი მათ საიდუმლო სანტების მიერ წინასწარ გამოგზავნილი საჩუქრები გადაეცემათ.
„გახდი საიდუმლო სანტას“ გუნდი დიდ ჟრიამულში ვართ. უკვე რამდენიმე წელია ჩვენთვის ახალი წელი სოციალურად დაუცველი ბავშვების საახალწლო სურვილების ასრულებასთან ასოცირდება. ამაში უდიდესი წვლილი საზოგადოებას შეაქვს - სწორედ სიკეთით გულანთებული ადამიანები უსრულებენ უცნობ ბავშვებს სურვილებს და ჯადოსნურ ახალ წელს ჩუქნიან. გულის ამაჩუყებელია იმის დანახვა, როგორ ივსებიან პატარები იმედით, თუმცა, ორმაგად სასიხარულოა, როდესაც მათი გაბედნიერებისთვის სრულიად უანგაროდ თავად საზოგადოება ზრუნავს“, - ამბობს „გახდი საიდუმლო სანტას“ ერთ-ერთი ორგანიზატორი, ნიკოლოზ ნათენაძე.
თუკი გსურთ, თქვენც ჩაერთოთ კამპანიაში და წვლილი შეიტანოთ სოციალურად დაუცველი ბავშვების სურვილების ასრულებაში, გადადით ბმულზე და გაეცანით დეტალურ ინფორმაციას.
სხვა CSR სიახლეები
„წისქვილი ჯგუფი“ ყოველთვის ცდილობს, ხელი გაუწოდოს მათ, ვისაც მხარდაჭერა ყველაზე მეტად სჭირდება. ამ წლის საახალწლო კამპანიის ფარგლებში, ჩვენი გუნდი ესტუმრა 11-სულიან ოჯახს.
"წისქვილი ჯგუფი" მუდმივად ცდილობს კორპორაციული სოციალური პასუხისმგებლობის (CSR) ფარგლებში დაეხმაროს მათ, ვისაც ყველაზე მეტად სჭირდება მხარდაჭერა.
ძეგვის ბავშვთა სახლში ცხოვრობს 80 ადამიანი. მათ შორის არიან ბავშვები, მოხუცებულები და ფსიქოსომატური აშლილობის მქონე პირები
10 სულიან ოჯახს წისქვილი ჯგუფმა საახალწლოდ ზამთრის მარაგი, საახალწლო სუფრა და საჩუქრები გადასცა
ქართული კუთხეების ფესტივალზე, 2 დღის მანძილზე წისქვილი ჯგუფმა უკრაინელ ბავშვებს უმასპინძლა
ქართული კუთხეების ფესტივალზე “წისქვილი ჯგუფმა” ჩერნოვეცკის ფონდის ბენეფიციარებს უმასპინძლა
„წისქვილი ჯგუფი“ დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულ სააგენტოს, არასრულწლოვანთა რეფერირების ცენტრის ბენეფიციარებისთვის, პროდუქციას ქველმოქმედების სახით გადასცემს.
„წისქვილი ჯგუფი“ უერთდება და მხარს უჭერს ჰუმანიტარული დახმარების ცენტრის Choose to Help-ის ინიციატივას
„პირველი ნაბიჯი“ 20 წელზე მეტია განსაკუთრებული საჭიროებების მქონე ბავშვებზე ზრუნავს. დღეს ორგანიზაცია სამი ფილიალითაა წარმოდგენილი და 10-ზე მეტ პროგრამას ახორციელებს.
„წისქვილი ჯგუფი“ უერთდება ბაქსვუდის მოხალისეთა კლუბის პროექტს „გახდი საიდუმლო სანტა“, რომელიც სოციალურად დაუცველი ბავშვებისთვის სურვილების ასრულებას ემსახურება.
