ქართული
ქართული
წისქვილის სერვისები
ქართული ცეკვის გაკვეთილი

ქართული ცეკვის გაკვეთილი

services
ქართული ცეკვების დასაწყისი მრავალ საუკუნეს მოიცავს. ქართული ხალხური ქორეოგრაფიის წინამორბედი სამონადირეო ცეკვა ყოფილა, რომელსაც ნაყოფიერების ღმერთის მთვარის (შუშპა) საპატივცემულოდ ასრულებდნენ და ფერხული ეწოდებოდა. არქეოლოგიური გათხრების შედეგად აღმოჩენილ ძვ.წ მე-2 ათასწლეულით დათარიღებულ თასზე გადმოცემულია მონადირეთა ფერხულის ფრაგმენტები, რომელიც მეცნიერების აზრით სვანური ნადირობის ქალღმერთის დალისადმი უნდა იყოს მიძღვნილი. სვანეთში დღემდეა შემორჩენილი „სამონადირეო ფერხული“, „ლემჩილი“ და „ბეთქილის ფერხული“. ქართული ხალხური ქორეოგრაფიის მწვერვალი ჩაისახა თატრალიზებული სინთეზური სანახაობის - სახიობის წიაღში ( XI-XII სს). რომელიც წარმართობის დროის დიდი დღესასწაულების თანმხლები ელემენტი იყო. ქართული ქორეოგრაფიის მწვერვალი, ასე შეიძლება ვუწოდოთ ქართულ ცეკვას, რომელიც რომანტიკული ხასიათის წყვილთა ცეკვას წარმოადგენს მისი ისტორია მე-11 მე-12 საუკუნიდან იწყება. მთიულური - ცეკვის ეს სახეობა მთებში იღებს სათავეს და მისი მთავარი შინაარსი სატრფიალო მეტოქეობას ეფუძნება. ქართული ცეკვის ილეთები საქართველოს ისტორიას, ქართულს სულს ასახავს, იგრძნობა ქართული საგმირო სულისკვეთება, თითოეულ ილეთში ჩანს როგორი მებრძოლი ხასიათის იყო ქართველი, ასევე კარგად არის გადმოცემული ქალის როლი ჩვენი წინაპრების ცხოვრებაში.
ყველა სერვისი